ရိုးမဘဏ်၏ “Grow Together BizPitch” အစီအစဉ် သည် ရိုးမဘဏ်မှ နှစ် (၃၀) ပြည့် အထိမ်းအမှတ်အနေဖြင့် MSMEs နှင့် Startup လုပ်ငန်းများ ဖွံ့ဖြိုးတိုးတက်စေရန်အတွက် ရိုးမဘဏ်နှင့် စွန့်ဦးတီထွင်ကဏ္ဍများတွင် ထင်ရှားသည့်အကြံပေးပညာရှင်များ၊ အတွေ့ကြုံရင့် လုပ်ငန်းရှင်များနှင့် ပူးပေါင်းဆောင်ရွက်သည့် အစီအစဉ်တစ်ခုဖြစ်ပြီး၊ ပြည်တွင်းရှိ MSMEs လုပ်ငန်းများနှင့် Startup လုပ်ငန်းများ ပါဝင်လျှောက်ထားနိုင်သော အစီအစဉ်ဖြစ်ပါသည်။ MSMEs နှင့် Startup လုပ်ငန်းများအနေဖြင့် ဤအစီအစဉ်တွင်ပါဝင်လျှောက်ထားမှုအဆင့်ဆင့်အတွက် မည်သည့်အခကြေးငွေမှ ပေးသွင်းရန်မလိုဘဲ သတ်မှတ်ချက်ပြည့်မီသော MSMEs များနှင့် Startup လုပ်ငန်းများ အခမဲ့ပါဝင်လျှောက်ထားနိုင်ပါသည်။
ရွေးချယ်ခံရသော လုပ်ငန်း (၄) ခုအနေဖြင့် လုပ်ငန်းရပ်တည်မှု၊ လုပ်ငန်းအစပျိုးမှုများကို ပံ့ပိုးကူညီရန်နှင့် အနာဂတ်လုပ်ငန်းရည်မှန်းချက်များကို အကောင်အထည်ဖော်ရန် ဆုကြေးငွေ ကျပ်သိန်း(၅၀၀)စီ ရရှိမည်ဖြစ်ပါသည်။
စီးပွားရေးပညာရှင် ကျွမ်းကျင်သူများထံမှ အဖိုးတန်လမ်းညွှန်မှုများရရှိနိုင်မည်ဖြစ်ပါသည်။
စီးပွားရေးလုပ်ငန်းများအချင်းချင်း ချိတ်ဆက်မှုများနှင့် လုပ်ငန်းပူးပေါင်းဆောင်ရွက်ရန်အတွက် အခြားသော MSMEs များ၊ စီးပွားရေးလုပ်ငန်းရှင်များနှင့် ချိတ်ဆက်နိုင်သည့်အခွင့်အရေးများလည်း ရရှိနိုင်မည် ဖြစ်ပါသည်။
အထူးအခွင့်အရေးအနေဖြင့် ပါဝင်ယှဉ်ပြိုင်သော လုပ်ငန်းများအတွက် လုပ်ငန်းစတင်ရန် သို့မဟုတ် လုပ်ငန်းချဲ့ထွင်ရန် လိုအပ်သောလုပ်ငန်းချေးငွေပံ့ပိုးမှုများ ရရှိနိုင်မည်ဖြစ်ပါသည်။
ယင်း ဆန်ခါတင်လုပ်ငန်း (၃၀) ထဲမှ တင်ပြချက်များနှင့် လုပ်ငန်းအဆိုပြုချက်များအပေါ် အခြေခံ၍ ပရိုဂရမ်ဒါရိုက်တာနှင့် စိစစ်ရွေးချယ်ရေးကော်မတီအဖွဲ့ဝင်များက နောက်ဆုံးဆုရရှိမည့် လုပ်ငန်း (၄) ခုကို ရွေးချယ်သွားမည်ဖြစ်ပါသည်။
5 Oct, 2023 - 28 Nov, 2023
ပါဝင်သူများသည် ၎င်းတို့၏ လုပ်ငန်းဆိုင်ရာ အခြေခံသတင်းအချက်အလက်များ၊ လုပ်ငန်းအစီအစဉ်၏ ၁ နှစ်စာမှ ၃ နှစ်စာအထိ မိမိတို့လုပ်ငန်းအစီအစဉ် အကျဉ်းချုပ် ဖော်ပြချက်နှင့် ဆက်သွယ်ရန် အသေးစိတ်အချက်အလက်များ ထည့်သွင်းလျှောက်ထားရန်၊ ကနဦးအဆင့်မှ နောက်တစ်ဆင့်သို့ ဆက်လက်လျှောက်ထားနိုင်သူများသည် လိုအပ်သော စာရွက်စာတမ်း အချက်အလက်များနှင့် လုပ်ငန်းအစီအစဉ် အားပြန်လည် ပေးပို့နိုင်ရန်အတွက် သတ်မှတ်ထားသော ဤ လင့်ခ် (ymbank.co/bizpitch-apply-form) မှ တစ်ဆင့် ဆက်လက် ပို့ပေးရန် လိုအပ်ပါသည်။
ရိုးမဘဏ်အနေဖြင့် ဤအစီအစဉ်တွင် ပါဝင်လျှောက်ထားနိုင်မှု ပိုမိုများပြားနိုင်စေရန် ကနဦး လျှောက်ထားမှုအတွက် စာရွက်စာတမ်းအချက်အလက်များ လိုအပ်ချက်ကို လျှော့ချထားပြီး နောက်ပိုင်းအဆင့်တွင် လုပ်ငန်းလည်ပတ်ရန် လိုအပ်သောဖြေရှင်းဆောင်ရွက်ချက်များ၊ သတ်မှတ်ထားသည့် စျေးကွက်၊ ဝင်ငွေပုံစံ နှင့် စီးပွားရေးလုပ်ငန်း ဖွံ့ဖြိုးတိုးတက်ရေးဆိုင်ရာ အစီအစဉ်နှင့် အကြံဉာဏ်များ စသည်တို့ကို ဆက်လက်ပေးပို့ရစေမည်ဖြစ်ပါသည်။
“Grow Together BizPitch” အစီအစဉ် လျှောက်လွှာတင်ခြင်းလုပ်ငန်းစဉ်အတွင်း လျှောက်ထားသူများ၏ အချက်အလက်များကို လျှို့ဝှက်ထားမည်ဖြစ်ပြီး အစီအစဉ်၏ ပရိုမိုးရှင်းရည်ရွယ်ချက်အတွက်သာ အသုံးပြုမည်ဖြစ်ကာ ရိုးမဘဏ်၏မူဝါဒနှင့်အညီ အထူးအလေးထား စောင့်ထိန်းဆောင်ရွက်သွားမည် ဖြစ်ပါသည်။
ရိုးမဘဏ်နှင့် စိစစ်ရွေးချယ်ရေးကော်မတီအဖွဲ့သည် ပရိုဂရမ်ကိုပြင်ဆင်ရန်၊ ဆိုင်းငံ့ရန် သို့မဟုတ် ရပ်စဲရန်နှင့် ဤစည်းကမ်းသတ်မှတ်ချက်များကို အချိန်မရွေးပြင်ဆင်ပိုင်ခွင့်ရှိမည်ဖြစ်ပါသည်။ ရိုးမဘဏ်အနေဖြင့် မည်သည့်ပြောင်းလဲမှုများကိုမဆို ရိုးမဘဏ်၏ တရားဝင်လှုမှုကွန်ရက်နှင့် ဝက်ဘ်ဆိုဒ်တို့တွင် ပွင့်လင်းမြင်သာစွာ ကြေညာသွားမည် ဖြစ်ပါသည်။
လျှောက်ထားသူများသည် ပရိုဂရမ်၊စည်းကမ်းသတ်မှတ်ချက်များနှင့် ပတ်သက်၍ စုံစမ်းမေးမြန်းမှုများ ပြုလုပ်လိုပါက [[email protected]/Customer Care Center – ၉၆၆၂ (သို့မဟုတ်) ၀၉၇၉၆၆၂၉၆၆၂ ] တို့ကို ဆက်သွယ်နိုင်ပါသည်။