ရိုးမဘဏ်၏ အငှားဝယ်ယူစနစ်ဖြင့် ကား၊ မော်တော်ဆိုင်ကယ် နှင့် အငှားယာဉ်များ အသစ်ဝယ်ယူရာတွင်  ငွေကြေးအထောက်အပံ့ရယူနိုင်ပါပြီ။ အဆင်ပြေသော ချေးငွေကာလပါရှိသည့် ရိုးမဘဏ်၏  အငှားဝယ်ယူစနစ် ဖြင့်  ဝယ်သူနှင့်ရောင်းသူ နှစ်ဦးလုံးအတွက် လွယ်ကူလုံခြုံသော ဝယ်ယူမှုများကို  ဆောင်ရွက်နိုင်မှာဖြစ်သည်။

အငှားဝယ်ယူစနစ်သည် *

• မော်တော်ကား၊ မော်တော်ဆိုင်ကယ် နှင့် လုပ်ငန်းသုံးစက်တပ်ယာဉ်များ
• စိုက်ပျိုးရေးနှင့် ဆောက်လုပ်ရေးသုံးစက်ယန္တရားများ
• ဆေးဝါးနှင့် ဆေးရုံသုံးကိရိယာများ
• စက်ရုံစက်ယန္တရားများ အတွက် သင့်လျော်ပါသည်။
  

*ရိုးမဘဏ်နှင့် ချိတ်ဆက်ထားသော တရားဝင် ရောင်းဝယ်ဖောက်ကားသူထံမှသာ ပစ္စည်းများ ဝယ်ယူရမည်။

ရိုးမဘဏ်၏ အဆင်ပြေလွယ်ကူသော အွန်လိုင်းလျှောက်ထားမှု ဖြင့် အငှားဝယ်ယူစနစ်အတွက် ချေးငွေကို လွယ်ကူလျင်မြန်စွာ လျှောက်ထားနိုင်ပါသည်။

ဝန်ဆောင်ခ

ကနဦးပေးသွင်းငွေ	ဝယ်ယူသည့်ပစ္စည်းအပေါ်မူတည်ပြီး အနည်းဆုံး ၁၀%
ဘဏ်ဝန်ဆောင်ခ	ချေးငွေပမာဏ၏ ၁ % မှ ၃% ထိ *

* အနည်းဆုံး ကနဦးပေးသွင်းငွေ နှင့် ဘဏ်ဝန်ဆောင်ခများမှာ ရောင်းဝယ်ဖောက်ကားသူနှင့် ကုန်ပစ္စည်းအမျိုးအစားပေါ်တွင် မူတည်ပြောင်းလဲနိုင်ပါသည်။

အတိုးနှုန်းနှင့် ဝန်ဆောင်ခ

(က) ကြိုတင်အတိုးကို အငှားဝယ်ယူချေးငွေပမာဏအပေါ်တွင် ကောက်ခံသွားမည်ဖြစ်သည်။

ကာလ	လစဉ်အတိုးနှုန်း	သုံးလပတ် သို့မဟုတ် နှစ်ဝက်အတိုးနှုန်း*
၁ နှစ်	၇%	၈%
၂ နှစ်	၁၃%	၁၄%
၃ နှစ်	၁၉%	၁၉%

(ခ) တူညီသော လစဉ်ပေးသွင်းငွေ၊ တူညီသော သုံးလပတ်ပေးသွင်းငွေ၊ တူညီသော နှစ်ဝက်ပေးသွင်းငွေ : အငှားဝယ်ယူစနစ် ချေးငွေပမာဏအပေါ်မူတည်ပြီး အတိုးနှုန်းကို တစ်နှစ်လျှင် ၁၀ % ကောက်ခံသွားပါမည်။ 

ဝယ်ယူသည့်ပစ္စည်း	အများဆုံးချေးငွေသက်တမ်း
ကားအသစ်	၅ နှစ်
ကားအဟောင်း	၃ နှစ်
လေးလံသည့် စက်ယန္တရားကြီးများနှင့် ကိရိယာအသစ်များ သို့မဟုတ် စိုက်ပျိုးရေးသုံးစက်နှင့် ကိရိယာ အသစ်များ	၃ နှစ် မှ ၅ နှစ်
လေးလံသည့် စက်ယန္တရားကြီးများနှင့် ကိရိယာအဟောင်းများ သို့မဟုတ် စိုက်ပျိုးရေးသုံးစက်နှင့် ကိရိယာ အဟောင်းများ	၂ နှစ်

ချေးငွေပြန်လည်ပေးဆပ်ရမည့်ပုံစံ

• စိုက်ပျိုးရေးလုပ်ငန်းသုံးမဟုတ်သော စက်တပ်ယာဉ်များ၊ စက်ယန္တရားများနှင့် ကိရိယာများအတွက် လစဉ်အရစ်ကျပေးသွင်းရမည်။
• စိုက်ပျိုးရေးလုပ်ငန်းသုံး စက်တပ်ယာဉ်များ၊ စက်ယန္တရားများနှင့် ကိရိယာများအတွက် လစဉ် ၊ သုံးလပတ် သို့မဟုတ် နှစ်ဝက်အလိုက် အရစ်ကျပေးသွင်းရမည်။

အာမခံ
စက်တပ်ယာဉ် သို့မဟုတ် တန်ဖိုး မြန်မာကျပ် သိန်း တစ်ရာအထက်ရှိသော ချေးငွေရယူထားသည့်  ပိုင်ဆိုင်မှုတိုင်းအတွက် အငှားဝယ်ယူစနစ်ချေးငွေ  ကာလတစ်လျှောက် အာမခံထားရှိရမည်ဖြစ်ပါသည်။

လျှောက်ထားရန် လိုအပ်ချက်များ

• မှတ်ပုံတင်မိတ္တူနှင့် မူရင်းကိုပါပူးတွဲတင်ပြရမည်။
• အိမ်ထောင်စုစာရင်းမိတ္တူနှင့် မူရင်းကိုပါ စစ်ဆေးရန်တင်ပြရမည်။
• နေထိုင်ကြောင်းရပ်ကွက်ထောက်ခံစာမူရင်း
• ရဲစခန်းထောက်ခံစာမူရင်း
• အာမခံပေးမည့်သူတစ်ဦးနှင့် အဆိုပါပုဂ္ဂိုလ်၏ အလားတူအထောက်အထားများ

ပိုမိုသိရှိရန် ရိုးမဘဏ် အငှားဝယ်ယူစနစ်အဖွဲ့အား +၉၅ ၁ ၉၃၄၅ ၉၅၅ သို့မဟုတ် +၉၅ ၁၉၃၄၅ ၉၆၆ သို့ခေါ်ဆိုမေးမြန်းနိုင်သလို [email protected] သို့ အီးမေးလ်ကတစ်ဆင့် ဆက်သွယ်မေးမြန်းနိုင်ပါသည်။