“25for25 ရိုးမဘဏ်နဲ့ Ocean Supercenter ရဲ့ ဈေးဝယ်အစီအစဉ်” ကို Ocean Supercenter နှင့် လက်တွဲပူးပေါင်းပြီး ရန်ကုန်မြို့ရှိ Ocean Supercenter City Mall St.John နဲ့ Ocean Supercenter ရွှေဂုံတိုင် တို့တွင် ပြုလုပ်ခဲ့သည်။ Ocean Supercenter နှစ်ခုတွင် ဈေးဝယ်သူများကို ကျပန်းရွေးချယ်ပြီး ၎င်းတို့ ဝယ်ယူတဲ့ပစ္စည်းများအတွက် ရိုးမဘဏ်က ငွေရှင်းပေးသည့် Surprise အစီအစဉ်တစ်ခုအဖြစ် ဈေးဝယ်သူအပေါင်း ၁၀၀ ကျော်အား ရွေးချယ်ခဲ့ပါသည်။

ရိုးမဘဏ် က ၂၅နှစ်ပြည့် အထိမ်းအမှတ်အနေနဲ့ “25for25 - ကလေးများ အနာဂတ်ကြည်လင်တောက်ပစေဖို့ ရိုးမဘဏ်နဲ့ ပန်းလှိုင်ဆေးရုံရဲ့ မျက်စိစမ်းသပ်ကုသမှုအစီအစဉ်” ကို ပန်းလှိုင်စီလုံ ဆေးရုံမှာ ကျင်းပပြုလုပ်ခဲ့ပါတယ်။ ထိုပွဲကို အသက် ၅နှစ်ကနေ ၈နှစ်အရွယ် ကလေး ၈၃ဦး အား ပန်းလှိုင်စီလုံဆေးရုံ၏ မျက်စိအထူးကုဆရာဝန်ကြီးများဖြစ်သော ဒေါက်တာ ဒေါ်ခင်သန္တာမြင့်နဲ့ ဒေါက်တာဒေါ်ပပလင်းတင့်တို့က မျက်စိ အခမဲ့စမ်းသပ်ကုသပေးခဲ့ပြီး မျက်စိကုသမှုလိုအပ်သော ကလေးငယ်များအတွက် မျက်စိကုသပေးခြင်း၊ မျက်မှန်လိုအပ်သူများကို မျက်မှန်ပြုလုပ်ပေးခြင်းတို့ ပြုလုပ်ပေးခဲ့သည်။