menu

ဒါရိုက်တာ ဘုတ်အဖွဲ့

ကျွန်ုပ်တို့၏ ဘုတ်အဖွဲ့သည် ရိုးမဘဏ်၏ စီးပွားရေး နည်းဗျူဟာကို ပဲ့ကိုင်ပေးခြင်း၊ Leadership Team အား ဦးဆောင်ခြင်းနှင့် စီးပွားရေး လုပ်ဆောင်ရာတွင် ရိုးမဘဏ် အနေဖြင့် သက်ဆိုင်ရာ ဥပဒေများ၊ စည်းမျဉ်းစည်းကမ်းများနှင့် အညီ လုပ်ဆောင်နိုင်ရန် သေချာစေခြင်း အစရှိသည်တို့ကို လုပ်ဆောင်ပါသည်။

ကျွန်ုပ်တို့၏ ဘုတ်အဖွဲ့သည် ရိုးမဘဏ်၏ ကော်ပိုရိတ် ယဉ်ကျေးမှုနှင့် အမြုတေတန်ဖိုးများ ကို ပုံဖော်ရန် တာဝန်ရှိသည်။ ဘုတ်အဖွဲ့၏ အကြီးမားဆုံးမှတ်တိုင် သည်  အစုရှယ်ယာရှင်များနှင့် စီးပွားဖက်များအတွက် ရေရှည်တန်ဖိုးများ ဖန်တီးရန် ဖြစ်သည်။ ဘုတ်အဖွဲ့တွင် ကျွမ်းကျင်မှုများ၊ အတတ်ပညာပိုင်းဆိုင်ရာ တတ်ကျွမ်းမှုများ၏ ပေါင်းစည်းမှုသည် ကွဲပြားခြားနားသော အမြင်များကို ရရှိစေပြီး ပိုမိုကောင်းမွန်သော ဆုံးဖြတ်ချက်များကို ချမှတ်နိုင်ပါသည်။ 

ရိုးမဘဏ်၏ ဒါရိုက်တာဘုတ်အဖွဲ့ကို အစုရှယ်ယာရှင်များက ရွေးချယ်၍ တာဝန်ခံရပါသည်။ ဘဏ်၏ ကော်ပိုရိတ် အုပ်ချုပ်မှုစနစ်ကို မြှင့်တင်ရန် ဆက်လက်ကြိုးပမ်းမှု တစ်စိတ်တစ်ပိုင်း အနေဖြင့် ဒါရိုက်တာဘုတ်အဖွဲ့၏ ဖွဲ့စည်းပုံကို ပြန်လည် ပြင်ဆင်ထားပါသည်။ အမှုဆောင် မဟုတ်သော သီးခြားလွတ်လပ်သော ဒါရိုက်တာ ၃ ဦးကို ခန့်အပ်ခြင်းသည် မြန်မာနိုင်ငံတော် ဗဟိုဘဏ်၏ စည်းမျဉ်း လိုအပ်ချက်များကိုပင် ကျော်လွန်နေပြီး ဘဏ်၏ ကော်ပိုရိတ် စီမံအုပ်ချုပ်မှုအတွက် အကောင်းဆုံးသော အလေ့အကျင့်များနှင့် တစ်သားတည်း ဖြစ်စေခဲ့ပါသည်။ ထို့အပြင် ဘုတ်အဖွဲ့၏ ဆုံးဖြတ်ချက်များသည် ဘဏ်၏ အစုရှယ်ယာရှင်များ၊ Stakeholder များ၊ Customer များနှင့် ဝန်ထမ်းများ အားလုံး၏ အကောင်းဆုံး အကျိုးစီးပွားများကို ဖြစ်ထွန်းစေရန် နည်းလမ်းဖြင့် သမာသမတ်ကျအောင် ပြုလုပ်ပေးကြောင်း သေချာစေပါသည်။ ဘဏ်သည် ယခင်ကတည်းက ရှိထားခဲ့ပြီး ဖြစ်သော Audit Committee, Risk Oversight Committee နှင့် People, Remuneration and Nomination Committee တို့အပြင် ဘုတ်အဖွဲ့ ကော်မတီခွဲ အသစ်တစ်ခုအဖြစ် Technology Advisory Committee ကို ထပ်မံ ဖွဲ့စည်း၍ ကော်ပိုရိတ်အုပ်ချုပ်မှု မူဘောင်ကို ဆက်လက် တိုးတက် ကောင်းမွန်အောင် ဆောင်ရွက်ခဲ့ပါသည်။

မြန်မာနိုင်ငံတော်ဗဟိုဘဏ်၏ အဓိပ္ပာယ်ဖွင့်ဆိုချက်အရ ဘဏ်၏ အမှုဆောင်မဟုတ်သော သီးခြားလွတ်လပ်သော ဒါရိုက်တာသည် ဘဏ်၏မဲဝေစု၏ ၅ ရာခိုင်နှုန်းအောက်သာ ပိုင်ဆိုင်သောသူနှင့် FI ဥပဒေတွင် ဖော်ပြထားသည့် သက်ဆိုင်သည့် ပါတီမဟုတ်သူ ဖြစ်သည်။
ဒါရိုက်တာ ဘုတ်အဖွဲ့ - ရိုးမဘဏ်

ဘုတ်အဖွဲ့ကိုယ်ရေးရာဇဝင်

ဒါရိုက်တာ ဘုတ်အဖွဲ့ - ရိုးမဘဏ်
ဦးသိမ်းဝေ @ Mr. Serge Pun : အမှုဆောင် ဥက္ကဌ
ပြန်လည်ရွေးကောက်တင်မြှောက်သည့်နေ့ရက် : ဧပြီလ ၂၀၂၂
ဒါရိုက်တာရာထူးအဖြစ် စာရင်းဝင်အခြားကုမ္ပဏီများတွင် လက်ရှိတာဝန်ထမ်းဆောင်နေမှုများ :
    • FMI (Myanmar)
    • MTSH (Myanmar)
    • Yoma Strategic Holding (Singapore)
    • Memories Group (Singapore)
ကုမ္ပဏီတွင် အကျိုးအမြတ်ပါဝင်မှု : FMI * မှ တစ်ဆင့် တိုက်ရိုက်မဟုတ်သော အကျိုးအမြတ်ပါဝင်မှု
ကိုယ်ရေးအချက်အလက် :
ဦးသိမ်းဝေသည် Serge Pun & Associates (SPA) အုပ်စုကို စတင်တည်ထောင်ခဲ့သူ ဥက္ကဌတစ်ဦး ဖြစ်ပါသည်။ ၁၉၉၂ ခုနှစ်တွင် တည်ထောင်ခဲ့သော မြန်မာနိုင်ငံ၏ အစောဆုံး အများပိုင်ကုမ္ပဏီများ အနက်မှ တစ်ခုဖြစ်သည့် First Myanmar Investment (FMI) နှင့် ၂၀၀၆ ခုနှစ် မှစ၍ Singapore Stock Exchange စာရင်းဝင် ကုမ္ပဏီတစ်ခုဖြစ်သည့် Yoma Strategic Holdings (YSH) ၏ ဥက္ကဌတစ်ဦးလည်း ဖြစ်ပါသည်။ ၂၀၁၆ ခုနှစ်တွင် FMI အား Yangon Stock Exchange တွင် ပထမဆုံး စာရင်း တင်သွင်းနိုင်ခဲ့သည်။ ထို့ပြင် ၂၀၁၈ ခုနှစ်တွင် Memories Group ကိုလည်း SGX-ST ၏ Catalist Board တွင် စာရင်းတင်သွင်းရာတွင် အခရာ ဖြစ်ခဲ့ပါသည်။
မြန်မာနိုင်ငံ အပါအဝင် ဟောင်ကောင်၊ တရုတ်၊ ထိုင်ဝမ်၊ မလေးရှား၊ ထိုင်း၊ စင်္ကာပူ၊ အနောက်ဥရောပနှင့် မြောက်အမေရိက တို့တွင် နိုင်ငံတကာ စီးပွားရေးနှင့် ရင်းနှီးမြှုပ်နှံမှုတို့နှင့် ပတ်သက်ပြီး နှစ်ပေါင်း ၃၀ ကျော် အတွေ့အကြုံများစွာ ရှိထားသူလည်း ဖြစ်ပါသည်။
Mr. Pun သည် International Enterprise Singapore for Myanmar ၏ ဂုဏ်ထူးဆောင် စီးပွားရေး ကိုယ်စားလှယ်တစ်ယောက် အဖြစ် ၂၀၀၄ မှ ၂၀၀၆ ခုနှစ်အထိ ထမ်းဆောင်ခဲ့ပါသည်။ ၂၀၀၇ ခုနှစ်တွင် Dalian’s CPPCC ၏ အဖွဲ့ဝင်အဖြစ် အပ်နှင်းခံခဲ့ရပါသည်။ ထို့အပြင် the World Economic Forum (WEF) ရှိ Global Agenda Council တွင် ၂၀၁၄-၂၀၁၆ သက်တမ်းကာလ အတွင်း ပွင့်လင်းမြင်သာရှိမှုနှင့် အဂတိလိုက်စားမှု ပပျောက်ရေးတို့အတွက် အဖွဲ့ဝင်လည်း ဖြစ်ပါသည်။
* အသေးစိတ်အချက်အလက်များအတွက် FMI 2021 နှစ်ပတ်လည်အစီရင်ခံစာ၊ စာမျက်နှာ ၁၁ တွင် ဖတ်ရှုပါရန်။




ဒါရိုက်တာ ဘုတ်အဖွဲ့ - ရိုးမဘဏ်
ဦးထွန်းမြတ် :  အမှုဆောင်မဟုတ်သော သီးခြားလွတ်လပ်သော ဒါရိုက်တာ
ပြန်လည်ရွေးကောက်တင်မြှောက်သည့်နေ့ရက် : ဧပြီလ ၂၀၂၂
ဒါရိုက်တာအဖြစ် စာရင်းဝင်အခြားကုမ္ပဏီများတွင် လက်ရှိတာဝန်ထမ်းဆောင်နေမှုများ : မရှိ
ကုမ္ပဏီတွင် အကျိုးအမြတ်ပါဝင်မှု : FMI မှတစ်ဆင့် တိုက်ရိုက်မဟုတ် သော အကျိုးအမြတ်ပါဝင်မှု (FMI တွင် တစ်သီးပုဂ္ဂလ အစုရှယ်ယာ ၁၄၆၀ စုပိုင်ဆိုင်သည်)
ကိုယ်ရေးအချက်အလက် :
ဦးထွန်းမြတ်သည် ၂၀၀၄ ခုနှစ် အငြိမ်းစားမယူခင်အထိ United Nations Security Coordinator အဖြစ် တာဝန် ထမ်းဆောင်ခဲ့ပါသည်။ အီရတ်နိုင်ငံ ၏ United Nations Humanitarian Coordinator အဖြစ် (၂) နှစ်ကြာ တာဝန် ထမ်းဆောင်ခဲ့ပါသည်။ ၎င်းတာဝန်များ မတိုင်မီတွင် အီတလီနိုင်ငံ ရောမမြို့ အခြေဆိုက် World Food Programme (WFP) တွင် Assistant Secretary General (ASG) အနေနှင့် (၂၂) နှစ်ကြာ စီနီယာရာထူး တာဝန်ကို ထမ်းဆောင်ခဲ့ပါသည်။
ကမ္ဘာ့ကုလသမဂ္ဂတွင် တာဝန်မထမ်းဆောင်မီ Myanmar Five Star Line ရှိ Legal and Insurance Department ၏ ဌာနတာဝန်ခံ အဖြစ်လည်း (၁၅) နှစ်ကြာ တာဝန် ထမ်းဆောင်ခဲ့ပါသည်။ ၁၉၇၄ မှ ၁၉၇၈ ခုနှစ်အထိ ပို့ဆောင်ရေးနှင့် ဆက်သွယ်ရေးဝန်ကြီး ဌာနတွင် ဥပဒေအကြံပေးအဖြစ် ဆောင်ရွက်ခဲ့ပြီး ရန်ကုန်တက္ကသိုလ် ဥပဒေဌာနတွင်လည်း ကထိကအဖြစ် တာဝန် ထမ်းဆောင်ခဲ့ပါသည်။
ရန်ကုန်တက္ကသိုလ်မှ B.Com နှင့် B.L ဘွဲ့များရရှိခဲ့ပြီး Chartered Insurance Institute, London မှ ACII နှင့် University of London, King’s College မှ LLM ကိုလည်း ရရှိ ထားပါသည်။





ဒါရိုက်တာ ဘုတ်အဖွဲ့ - ရိုးမဘဏ်
ဦးကြည်အေး : အမှုဆောင် ဒါရိုက်တာ
ပြန်လည်ရွေးကောက်တင်မြှောက်သည့်နေ့ရက် : ဧပြီလ ၂၀၂၂
ဒါရိုက်တာရာထူးအဖြစ် အခြား စာရင်းဝင် ကုမ္ပဏီများတွင် တာဝန်ထမ်းဆောင်လျက်ရှိမှုများ : FMI (Myanmar)
ကုမ္ပဏီတွင် အကျိုးအမြတ်ပါဝင်မှု : FMI မှတစ်ဆင့် တိုက်ရိုက်မဟုတ်သော အကျိုးအမြတ်ပါဝင်မှု **
ကိုယ်ရေးအချက်အလက် : 
ဦးကြည်အေးသည် ဘဏ်လုပ်ငန်းဆိုင်ရာ အသက်မွေးမှုကို ၁၉၆၀ ပြည့်နှစ်တွင် စတင်ခဲ့ပြီး ၁၉၆၅ ခုနှစ်တွင် ပြည်သူပိုင်ဖြစ်သွားသော မြန်မာနိုင်ငံတော်ဗဟိုဘဏ်၌ ပြောင်းရွေ့ တာဝန် ထမ်းဆောင်ခဲ့ပါသည်။
မြန်မာနိုင်ငံတော် ဗဟိုဘဏ်တွင် (၂၅) နှစ်တာကာလအတွင်း Chief Accountant ရာထူးဖြင့် ၁၉၈၇ မှ ၁၉၈၉ ခုနှစ်ထိ တာဝန်ထမ်းဆောင်ခဲ့ပြီး အမှုဆောင် ဒါရိုက်တာအဖြစ် ၁၉၈၉ မှ ၁၉၉၁ ခုနှစ်အထိ တာဝန်ယူခဲ့ပါသည်။ မြန်မာ့စီးပွားရေးဘဏ်၏ Managing Director အဖြစ် ၁၉၉၁ တွင် ခန့်အပ်ခြင်းခံရသည်။ ထို့အပြင် မြန်မာနိုင်ငံတော် ဗဟိုဘဏ်၏ Governor အဖြစ် ၁၉၉၂ မှ ၁၉၉၈ ခုနှစ် အထိ တာဝန်ထမ်းဆောင်ခဲ့ပြီး အငြိမ်းစား ယူခဲ့ပါသည်။
ရိုးမဘဏ်တွင် Special Counsel to Chairman အဖြစ် ၂၀၀၀ ခုနှစ်မှ စတင်၍ တာဝန် ထမ်းဆောင်ခဲ့ပါသည်။ ရန်ကုန်တက္ကသိုလ်မှ B.Com နှင့် B.L ဘွဲ့များရရှိခဲ့ပါသည်။ The Economic Institute in Boulder, Colorado, USA မှ Diploma in World Banking and Finance ကို ရရှိထားသည့်အပြင် Certified Public Accountant တစ်ဦးလည်း ဖြစ်ပါသည်။

** အသေးစိတ် အချက်အလက်များအတွက် FMI 2021 နှစ်ပတ်လည်အစီရင်ခံစာ၊ စာမျက်နှာ ၁၂ တွင် ဖတ်ရှုပါရန်။





ဒါရိုက်တာ ဘုတ်အဖွဲ့ - ရိုးမဘဏ်
Dr. Holger Dirk Michaelis  : အမှုဆောင်မဟုတ်သော ဒါရိုက်တာ
ပြန်လည်ရွေးကောက်တင်မြှောက်သည့်နေ့ရက် : ဧပြီလ ၂၀၂၂
ဒါရိုက်တာအဖြစ် အခြားစာရင်းဝင်ကုမ္ပဏီများတွင် လက်ရှိတာဝန်ထမ်းဆောင်နေမှုများ : မရှိ
ကုမ္ပဏီတွင် အကျိုးအမြတ်ပါဝင်မှု : မရှိ
ကိုယ်ရေးအချက်အလက် :
Dr. Holger Dirk Michaelis သည် GIC Private Limited (GIC) ၏ စီနီယာ ဒုတိယဥက္ကဌ တစ်ဦးဖြစ်ပြီး Private Equity Group အတွက် Financial Services နှင့် Strategy & Risk တို့၏ ဌာနတာဝန်ခံ အဖြစ် တာဝန်ယူထားသူလည်း ဖြစ်ပါသည်။ Private Equity နှင့် ပတ်သက်၍ သော်လည်းကောင်း၊ Financial Services နှင့် ပတ်သက်သည့် ကုမ္ပဏီများ၏ Strategic Advisor အနေဖြင့် သော်လည်းကောင်း အတွေ့အကြုံများစွာ ရှိသူလည်း ဖြစ်ပါသည်။ လက်ရှိတွင် GIC ၏ ကမ္ဘာတစ်ဝှမ်းရှိ Private Equity ရင်းနှီးမြှုပ်နှံမှု အစုစုနှင့် ပတ်သက်သည့် ဘဏ်များ၏ ဘုတ်အဖွဲ့ဝင် အဖြစ် တာဝန် ထမ်းဆောင်လျက် ရှိပါသည်။ GIC တွင် တာဝန် မထမ်းဆောင်မီ Dr. Michaelis သည် ယခင်က ဂျာမနီနိုင်ငံ၊ Frankfurt အခြေစိုက်နှင့် ယခု တရုတ်နိုင်ငံ၊ ပေကျင်းအခြေစိုက် Boston Consulting Group တွင် Partner နှင့် Managing Director တစ်ဦး အနေဖြင့် တာဝန်ယူခဲ့ပါသည်။
Dr. Michaelis သည် UT Austin မှ MBA ဘွဲ့ကိုရရှိထားပြီး ဂျာမနီနိုင်ငံရှိ WHU Koblenz မှ Business ဆိုင်ရာ Graduate Degree နှင့် Economics ဆိုင်ရာ ပါရဂူဘွဲ့  ရရှိထားသူ ဖြစ်သည်။





ဒါရိုက်တာ ဘုတ်အဖွဲ့ - ရိုးမဘဏ်
Ms. Iris Fang : အမှုဆောင်မဟုတ်သော ဒါရိုက်တာ
ပြန်လည်ရွေးကောက်တင်မြှောက်သည့်နေ့ရက် : ဧပြီလ ၂၀၂၂
ဒါရိုက်တာအဖြစ် အခြားစာရင်းဝင်ကုမ္ပဏီများတွင် လက်ရှိတာဝန်ထမ်းဆောင်နေမှုများ : မရှိ
ကုမ္ပဏီတွင် အကျိုးအမြတ်ပါဝင်မှု : မရှိ
ကိုယ်ရေးအချက်အလက် : 
Ms. Iris Fang သည် International Finance Corporation (IFC) ၏ Nominated Board Director တစ်ဦး ဖြစ်ပါသည်။ US နှင့် အာရှ‌ဒေသရှိ နိုင်ငံတကာ ငွေရေးကြေးရေးဆိုင်ရာ အဖွဲ့အစည်းများ ဖြစ်သည့် American Express၊ Bank of America၊ Chase Manhattan Bank၊ Standard Chartered Bank တို့တွင် နှစ်ပေါင်း (၄၄) နှစ်ကျော် အတွေ့အကြုံရှိသည့် Ms. Fang သည် Vietnam Holding Asset Management ၏ ဘုတ်အဖွဲ့ဝင် ဒါရိုက်တာတစ်ဦးလည်း ဖြစ်ခဲ့ပြီး ABBANK ဘုတ်အဖွဲ့တွင် ၂၀၁၆ ခုနှစ်မှ စတင် တာဝန် ထမ်းဆောင်ခဲ့ပါသည်။ Ms. Fang သည် Structured Finance၊ US ရှိ Corporate Finance နှင့် ဗီယက်နမ် အပါအဝင် အာရှ‌‌ဒေသ ဘဏ်များ၏ မဟာဗျူဟာ ဖွံ့ဖြိုးတိုးတက်ရေး စသည်တို့နှင့် ပတ်သက်ပြီး အထူးကျွမ်းကျင် ပညာရှင်လည်း ဖြစ်ပါသည်။ ထို့အပြင် Ms. Fang သည် Banking Academy of Vietnam ၏ သင်တန်းပို့ချသူ အဖြစ်သာမက Executive MBA Program, RMIT University Vietnam ၏ ဧည့်ကထိက အဖြစ်လည်းကောင်း၊ IFC, SECO, AFD ပရောဂျက်များ၏ အတိုင်ပင်ခံ ပုဂ္ဂိုလ်တစ်ဦး အဖြစ်လည်းကောင်း၊ Private Equity နှင့် EduTech ကုမ္ပဏီတို့၏ အကြံပေးပုဂ္ဂိုလ် အဖြစ်လည်း တာဝန်ယူထားပါသည်။ Ms. Fang သည် University of Georgia, US မှ MBA နှင့် စီးပွားရေးဆိုင်ရာ ဘွဲ့ရရှိထားသူ ဖြစ်ပါသည်။





ဒါရိုက်တာ ဘုတ်အဖွဲ့ - ရိုးမဘဏ်
Mr. Chintaman Mahadeo Dixit alias Dilip : အမှုဆောင်မဟုတ်သော သီးခြားလွတ်လပ်သော ဒါရိုက်တာ
ပြန်လည်ရွေးကောက်တင်မြှောက်သည့်နေ့ရက် : ဧပြီလ ၂၀၂၂
ဒါရိုက်တာအဖြစ် အခြားစာရင်းဝင်ကုမ္ပဏီများတွင် လက်ရှိတာဝန်ထမ်းဆောင်နေမှုများ : မရှိ
ကုမ္ပဏီတွင် အကျိုးအမြတ်ပါဝင်မှု : မရှိ
ကိုယ်ရေးအချက်အလက် :
Mr. Dilip Dixit သည် Commerce ဘွဲ့ရတစ်ဦးဖြစ်ပြီး Institute of Chartered Accountants of India ၏ အဖွဲ့ဝင်တစ်ဦး ဖြစ်ပါသည်။ သက်တမ်းကြာရှည်ပြီး နာမည်အကြီးဆုံး Chartered Accountants ကုမ္ပဏီတစ်ခု ဖြစ်သည့် Viz. G.D.Apte & Co. ၏ Managing Partner တစ်ဦးလည်း ဖြစ်ပါသည်။ Mr. Dixit သည် ဆယ်စုနှစ် (၅)ခု နီးပါး လုပ်သက်ရှိသူတစ်ဦး ဖြစ်ပါသည်။ အခြားသော ကဏ္ဍများထက် Mr. Dixit သည် ဘဏ်လုပ်ငန်း၊ ငွေကြေးဆိုင်ရာ ဝန်ဆောင်မှုလုပ်ငန်းများနှင့် အာမခံ (BFSI) လုပ်ငန်းများ၏ စာရင်းစစ်ချုပ်နှင့် အတိုင်ပင်ခံအဖြစ် အထူးပြု လုပ်ကိုင်ဆောင်ရွက်ပါသည်။ Mr. Dixit သည် အိန္ဒိယရှိ ထိပ်တန်း ဘဏ်များဖြစ်သည့် Union Bank of India, IDBI Ltd., Bank of India, State Bank of India များ၏ Statutory Auditor အဖြစ်လည်း တာဝန်ယူထားပါသည်။ Mr. Dixit သည် ဘဏ်များကို လွှဲပြောင်းယူခြင်းနှင့် ပေါင်းစည်းခြင်း ကိစ္စရပ်များကို တာဝန်ယူ ဆောင်ရွက်ပေးပြီး၊ Public Sector ဘဏ်မှ သမဝါယမဘဏ်ကို လွှဲပြောင်းယူခြင်း ကိစ္စမှာ သူ၏ ပထမဦးဆုံး စွမ်းဆောင်ဖန်တီးမှု ဖြစ်ပါသည်။ ထို့ပြင် Life Insurance Corporation of India ၏ စာရင်းစစ်ချုပ် အဖြစ်လည်း အခါအားလျော်စွာ ဆောင်ရွက်ခဲ့ပါသည်။ Nostro အကောင့်များ၏ ပြဿနာများကို ဆန်းစစ်နိုင်ရေးအတွက် Reserve Bank of India မှ ဖွဲ့စည်းထားသော Study Group ၏ အဖွဲ့ဝင်လည်း ဖြစ်ခဲ့ပါသည်။ Institute of Chartered Accountants of India ၏ အမျိုးမျိုးသော နည်းပညာဆိုင်ရာ ကော်မတီများ၏ Co-opted အဖွဲ့ဝင် တစ်ဦးလည်း ဖြစ်ခဲ့ပြီး၊ Dena Bank (Since Merged), India Bank, Bandhan Bank Ltd နှင့် Stock Holding Corporation Ltd တို့၏ သီးခြားလွတ်လပ်သော ဒါရိုက်တာ အဖြစ်လည်း တာဝန်ယူခဲ့ပါသည်။ ထို့အပြင် အိန္ဒိယနိုင်ငံ ဗဟိုအစိုးရ၏ Konkan Railways Ltd. ဘုတ်အဖွဲ့တွင် သီးခြား လွတ်လပ်သော ဒါရိုက်တာအဖြစ်လည်း ခန့်အပ်ခြင်း ခံခဲ့ရပါသည်။





ဒါရိုက်တာ ဘုတ်အဖွဲ့ - ရိုးမဘဏ်
Mr. John Alan Staley : အမှုဆောင်မဟုတ်သော သီးခြားလွတ်လပ်သော ဒါရိုက်တာ
ပြန်လည်ရွေးကောက်တင်မြှောက်သည့်နေ့ရက် : ဧပြီလ ၂၀၂၂
ဒါရိုက်တာအဖြစ် အခြားစာရင်းဝင်ကုမ္ပဏီများတွင် လက်ရှိတာဝန်ထမ်းဆောင်နေမှုများ : မရှိ
ကုမ္ပဏီတွင် အကျိုးအမြတ်ပါဝင်မှု : မရှိ
ကိုယ်ရေးအချက်အလက် :
Mr. John Staley သည် Finance နှင့် ICT နှစ်ခုစလုံးတွင် ကျယ်ပြန့်သော အတွေ့အကြုံများ ရှိပြီး တောင်အာဖရိက၊ UK နှင့် Kenya တို့တွင် လုပ်သက်ပေါင်းများစွာဖြင့် ကျင်လည်လုပ်ကိုင်နေသူ ဖြစ်ပါသည်။ လက်ရှိတွင် ဝါသနာပါသည့် ငွေရေးကြေးရေးနှင့် ဆက်စပ်သည့် ပရောဂျက် အမျိုးမျိုးအတွက် အတိုင်ပင်ခံ ပုဂ္ဂိုလ် အဖြစ် လုပ်ကိုင်ပေးလျက် ရှိပါသည်။
ယင်းမတိုင်မီ Mr. Staley သည် Fairfax Financial Holdings Ltd/ Fairfax Africa Holding တွင် အတိုင်ပင်ခံ အဖြစ် ဇန်နဝါရီလ၊ ၂၀၁၉ ခုနှစ် အထိ ဆောင်ရွက်ခဲ့ပါသည်။ Equity Bank တွင် Chief Operations Officer အဖြစ် ၂၀၀၃/၂၀၀၄ ခုနှစ်များတွင် လုပ်ကိုင်ခဲ့ပြီး၊ ၂၀၀၉ မှ ၂၀၁၈ အထိ Chief Officer – Finance, Innovation and Technology ရာထူးဖြင့် တာဝန်ယူ လုပ်ကိုင်ခဲ့ပါသည်။ ၁၉၉၉ မှ ၂၀၀၃ ခုနှစ်အတွင်း Mr. Staley သည် တောင်အာဖရိကရှိ အကြီးဆုံးသော un-secured အသေးစားငွေချေး ကုမ္ပဏီများထဲမှ တစ်ခုဖြစ်သည့် Credit Indemnity (Pty) Ltd (African Bank Investment Limited ၏ လုပ်ငန်းခွဲတစ်ခု) တွင် အမှုဆောင်အရာရှိချုပ် အဖြစ် လုပ်ကိုင်ခဲ့ပါသည်။ ထို့အပြင် ၁၉၉၉ ခုနှစ်မှ စတင်၍ Mobile Financial Service တွင် ပါဝင်ခဲ့ပြီး၊ ၂၀၀၃ ခုနှစ်မှ စတင်ခဲ့သော Equity Bank များ၏ လှုပ်ရှားမှု ဖြစ်သည့် 3rd party ကို အသုံးပြု၍ မိုဘိုင်းလ်ဖုန်းဖြင့် အေးဂျင့်များမှ တစ်ဆင့် ငွေသွင်း/ငွေထုတ် ဝန်ဆောင်မှုများ ပေးဆောင်နိုင်ရန် ကြိုးစား အကောင်အထည်ဖော်မှုကို နောက်ကွယ်မှ အဓိက တွန်းအားပေးခဲ့သူ ဖြစ်ပါသည်။
Mr. Staley သည် University of Natal မှ ရူပဗေဒ ဘာသာရပ်၊ University of Witwatersrand မှ MSc in Applied & Computational Mathematics နှင့် University of South Africa မှ BCompt (Honours) ကို ရရှိခဲ့ပြီး ၁၉၉၆ ခုနှစ်တွင် Chartered Accountant (SA) ဖြစ်လာခဲ့ပါသည်။