COVID-19 ကပ်ရောဂါကာလတွင် ဝန်ထမ်းများကို ပံ့ပိုးကူညီနိုင်ရန် ဘဏ်အနေဖြင့် ဆေးပညာရှင်ဆရာဝန် (၅) ဦးပါဝင်သော COVID အကျပ်အတည်း တုံ့ပြန်ရေးအဖွဲ့ (COVID Crisis Response Team – CCR Team) ကို ဖွဲ့စည်းခြင်းအပါအဝင် အခြားအရေးကြီးသော ပံ့ပိုးကူညီမှု အစီအစဉ်များကို စတင် အကောင်အထည်ဖော် ဆောင်ရွက်ခဲ့ပါသည်။ 

CCR အဖွဲ့သည် ဝန်ထမ်းများနှင့် သူတို့၏မိသားစုများကို ရုပ်ပိုင်းနှင့် စိတ်ပိုင်းဆိုင်ရာ နှစ်မျိုးလုံး ကျန်းမာအဆင်ပြေစေရေးကို အလေးထား၍ COVID-19 ဆိုင်ရာကိစ္စရပ်များသာမက အခြားကျန်းမာရေးနှင့်သက်ဆိုင်သည့် အကြောင်းကိစ္စရပ်မျိုးစုံကို ပံ့ပိုးကူညီပေးရန် ရည်ရွယ်ပါသည်။ CCR အဖွဲ့သည် ကျန်းမာရေးဆိုင်ရာ အသိပညာပေး လှုပ်ရှားမှုများကို ပန်းလှိုင်ဆေးရုံနှင့် ပူးပေါင်း၍ ကျန်းမာရေးဆိုင်ရာ ပညာပေး အစီအစဉ်များ နှင့် အွန်လိုင်းဟောပြောပွဲများ (webinars) များကိုလည်း ပြုလုပ်ဆောင်ရွက်ပေးလျက် ရှိပါသည်။