မြန်မာနိုင်ငံဆေးနှင့် ဆေးပစ္စည်းလုပ်ငန်းရှင်များအသင်း တွေ့ဆုံဆွေးနွေးပွဲတွင် ရိုးမဘဏ်မှ Main Sponsor အနေဖြင့် ပါဝင်ခဲ့

မြန်မာနိုင်ငံဆေးနှင့် ဆေးပစ္စည်းလုပ်ငန်းရှင်များအသင်း (MCCPMD) မှ ကြီးမှူးကျင်းပသည့် တွေ့ဆုံဆွေးနွေးပွဲကို ၂၀၂၆ ခုနှစ်၊ စက်တင်ဘာလ ၁၄ ရက်နေ့တွင် ရန်ကုန်မြို့ရှိ PARKROYAL Yangon ၌ ကျင်းပပြုလုပ်ခဲ့ပြီး MCCPMD အသင်းဝင် ဆေးနှင့် ဆေးပစ္စည်းဆိုင်ရာလုပ်ငန်းရှင်များ၊ ဆရာဝန်များနှင့် ဆေးဘက်ဆိုင်ရာလုပ်ငန်းနယ်ပယ်အသီးသီးမှ လုပ်ငန်းရှင်များ တက်ရောက်ခဲ့ကြပါသည်။

အဆိုပါပွဲတွင် ရိုးမဘဏ်အနေဖြင့် Main Sponsor အဖြစ် ပါဝင်ခဲ့ပြီး လုပ်ငန်းရှင်များ၏ စီးပွားရေးလုပ်ငန်းများကို ပံ့ပိုးပေးနိုင်မည့် ဘဏ်လုပ်ငန်းဆိုင်ရာဝန်ဆောင်မှုများ၊ ချေးငွေဝန်ဆောင်မှုများနှင့် နိုင်ငံတကာကုန်သွယ်မှု၊ ပို့ကုန်/သွင်းကုန်လုပ်ငန်းများအတွက် ဘဏ်လုပ်ငန်းဝန်ဆောင်မှုများကို မိတ်ဆက်မျှဝေပေးခဲ့ပါသည်။

ရိုးမဘဏ်အနေဖြင့် လုပ်ငန်းကဏ္ဍအသီးသီးရှိ လုပ်ငန်းရှင်များ၏ ငွေကြေးဆိုင်ရာလိုအပ်ချက်များအားပိုမိုနားလည်ကာလုပ်ငန်းလိုအပ်ချက်များနှင့် ကိုက်ညီသည့် ဘဏ်လုပ်ငန်းနှင့် ငွေကြေးဆိုင်ရာ ဖြေရှင်းချက်များကို ပံ့ပိုးပေးလျက်ရှိပါသည်။ ထို့အပြင် လုပ်ငန်းရှင်များနှင့် ပိုမိုနီးကပ်စွာ ချိတ်ဆက်ကာ ရေရှည်တည်တံ့သည့် စီးပွားရေးတိုးတက်မှုကို အထောက်အကူပြုနိုင်မည့် ယုံကြည်စိတ်ချရသော ငွေကြေးမိတ်ဖက်အဖြစ် ဆက်လက်ရပ်တည်သွားမည်ဖြစ်ပါသည်။