ရိုးမဘဏ်လုပ်ဖော်ကိုင်ဖက်များနှင့် မိသားစုဝင်များအတွက် "Work, Play & Family Day"

အလုပ်နှင့် ဘဝကို ဟန်ချက်ညီညီ ဖြတ်သန်းနိုင်မည့် (Work-Life Balance) လုပ်ငန်းခွင်ပတ်ဝန်းကျင်တစ်ခု တည်ဆောက်ပေးအပ်နိုင်ရန်မှာ ရိုးမဘဏ်၏ အစဉ်တစိုက် အလေးထားရသည့် ကတိကဝတ်တစ်ခု ဖြစ်ပါသည်။

၂၀၂၆ ခုနှစ်၊ ဇွန်လ ၅ ရက်နေ့တွင် ရိုးမဘဏ်ရုံးချုပ်၌ နှစ်လတစ်ကြိမ် ကျင်းပမြဲဖြစ်သော “Social Hour” အစီအစဉ်နှင့်အတူ အထူးအစီအစဉ်အဖြစ် “Work, Play & Family Day” ကို ပူးတွဲကျင်းပခဲ့ပါသည်။

အဆိုပါအစီအစဉ်တွင် ရိုးမဘဏ်လုပ်ဖော်ကိုင်ဖက်များ၏ ကလေးငယ်များအတွက် ပျော်ရွှင်တက်ကြွဖွယ် ပတ်ဝန်းကျင်တစ်ခုကို ဖန်တီးပေးနိုင်ခဲ့ပြီး ကလေးငယ်များ၏ စိတ်ကူးဖန်တီးနိုင်စွမ်းနှင့် ပျော်ရွှင်မှုများကို ပိုမိုတိုးမြှင့်ပေးနိုင်မည့် အစီအစဉ်များစွာကို စနစ်တကျ စီစဉ်ပေးခဲ့ပါသည်။ အစီအစဉ်များအနေဖြင့် –

• မျက်နှာဆေးရောင်ခြယ်ခြင်း
• မုန့်နှင့် အအေးအချိုရည်များ တည်ခင်းဧည့်ခံခြင်း
• ပန်းချီရေးဆွဲခြင်း
• MoMoPlay House မှ အထူးအစီအစဉ်အဖြစ် Bouncy Castle နှင့် Ball Pit ကစားနည်းများ ပါဝင်ပါသည်။

ရယ်မောပျော်ရွှင်သံများ၊ မိသားစုဝင်များ၏ အားပေးမှုများနှင့်အတူ ရိုးမဘဏ်လုပ်ဖော်ကိုင်ဖက်များအတွက် အမှတ်တရကောင်းများစွာကို အတူတကွ ဖန်တီးခွင့်ရရှိခဲ့ပါသည်။ ရိုးမဘဏ်အနေဖြင့် ဝန်ထမ်းများ၏ ပရော်ဖက်ရှင်နယ်ဘဝသာမက မိသားစုဘဝ ပျော်ရွှင်ချမ်းမြေ့မှုကိုပါ အလေးထားပံ့ပိုးပေးလျက်ရှိပြီး ပိုမိုကောင်းမွန်သော အနာဂတ်ဆီသို့ ဆက်လက်လျှောက်လှမ်းသွားမည်ဖြစ်ပါသည်။